Ambasadori i Shteteve të Bashkuara të Amerikës (ShBA), Christopher R. Hill në Beograd, është parë në “Paradën e Krenarisë” në Serbi, e organizuar në fundjavën që iku në kryeqytetin serb. Një gazetar i një televizioni privat, e ka shfrytëzuar rastin t’ia shtrojë disa pyetje, të cilat, siç shihet, e vënë në siklet atë, shkruan Fol Drejt.
“…kështu, sot jam këtu për të marshuar në këtë paradë. Mendoj se kjo është një ngjarje shumë e rëndësishme për Beogradin. Fakti që vendi përballet me shumë probleme, më pëlqen ta shoh se si ecin gjërat përpara” – dëgjohet duke iu përgjigjur pyetjes së gazetarit, se cila ishte arsyeja e vërtetë që ndodhej aty.
“A është detyrë e juaj si ambasador i Shteteve të Bashkuara për të përfaqësuar kësisoj vendin tuaj? A jeni këtu për t’ia imponuar popullit serb stilin e të jetuarit?” – vijon gazetari.
“Unë nuk po imponoj asgjë, unë thjesht po i bashkohem paradës. Sinqerisht mendoj se ne të gjithë jemi fëmijët e Zotit sot” – i përgjigjet Hill.
“Po, sigurisht. Një situatë interesante ka ndodhur vitin e kaluar policia në Serbi e ndaloi paradën e krenarisë në Beograd dhe presidenti i Serbisë tha që nuk do të ketë paradë. Të gjithë u pajtuan me këtë, e pastaj erdhët ju dhe thatë se do të ketë një paradë. Për këtë shumë njerëz mendojnë se ju jeni në të vërtetë presidenti i vërtetë i Serbisë. A keni dëgjuar për këtë?” – e pyet gazetari sërish.
“Nuk kam dëgjuar kurrë për këtë!” – i përgjigjet Hill i vënë pak në siklet.
“Se ti je në fakt personi që merr të gjitha vendimet dhe më pas…” – konsiston gazetari.
Por Hill i thotë:
“Unë fitova së fundmi në Florida!”
Më pas sigurimi e detyron gazetarin të largohet nga ambasadori, i cili duket që nuk ishte i gatshëm më të vijonte tu përgjigjej pyetjeve provokuese./FolDrejt/
