Manchester United e përjashtoi Barcelonën nga Europa League mbrëmë me rezultat 4:3 në total pas dy ndeshjeve.
Klubi anglez kaloi kështu në fazën e 16-të të këtij kompeticioni dhe kundërshtari në këtë fazë do të njihet sot në mesditë në shortin e Nyonit. Një nga lojtarët më të mirë të United në ndeshjen me Barçën ishte Casemiro, por pas ndeshjes situata më e përfolur është ajo në të cilën ai nuk ka reaguar fare.
Gjegjësisht, në një moment të ndeshjes ka pasur një konflikt mes lojtarëve të dy skuadrave. Bruno Fernandes zemëroi lojtarët e Barçës pasi goditi me top Frenkie de Jong-un e dëmtuar ndërsa ai ishte në fushë. Shpejt shpërtheu kaosi, lojtarët u përplasën mes vete, por jo edhe Casemiro.
Ai u kap nga kamera vetëm në kalimin përballë një grumbulli lojtarësh që përplaseshin. Mesfushori brazilian tregoi zero interes për atë konflikt, ai thjesht shkoi rastësisht në anën tjetër të fushës dhe shikoi konfliktin që përfundimisht u qetësua nga arbitri, transmeton Fol Drejt.
bruno fight against barcaleona players 😲 #MUNBAR pic.twitter.com/vdzj5Aa8C1
— فيديو من تيك توك (@jjvjijk) February 23, 2023
