Raportohet se vetë Presidenti Tokayev ka kërkuar ndihmën e Rusisë për të stabilizuar situatën në Kazakistan pas protestave që kanë përfshirë vendin, transmeton Fol Drejt.
Aktöbe valiliği önündeki olayların devamında polis çeşitli ses bombalarıyla müdahale etti. #Kazakshtan #kazakistan pic.twitter.com/6TnoxrhPxb
— Shinigami Ryuk (@shinigamieksi) January 5, 2022
Reuters shkruan se parashutistët rusë tashmë kanë mbërritur në Kazakistan si pjesë e përpjekjes “paqes” të ndërmarrë nga CSTO, Organizata e Traktatit të Sigurisë Kolektive e përbërë nga gjashtë shtete ish-sovjetike.
Organizata për Siguri dhe Bashkëpunim në Europë (OSBE) tha në një deklaratë se detyra kryesore e forcave paqeruajtëse është mbrojtja e godinave kryesore shtetërore dhe ushtarake dhe të ndihmojë forcat e sigurisë të Kazakistanit, raporton abcnews.al
Dhjetëra ushtarë hynë në sheshin kryesor të Almaty këtë mëngjes, ku qindra njerëz janë mbledhur për të protestuar kundër qeverisë për të tretën ditë radhazi, sipas korrespondentëve të Reuters. Në të njëjtën kohë, agjencia ruse e lajmeve TASS raportoi se ka pasur shkëmbime zjarri midis ushtrisë dhe njerëzve të armatosur në sheshin përpara bashkisë së Almatit.
En plus de la Russie et de l’Arménie, la Biélorussie envoie des troupes au Kazakhstan. https://t.co/qd5zpQq3Gc
— Le démocrate européen 🇪🇺 (@ChrisMcCandl) January 6, 2022
“Ushtarët mbërritën në shesh, nisën një operacion pastrimi kundër rebelëve”, sipas TASS.
Gjithashtu, Banka Kombëtare e vendit ka vendosur të pezullojë funksionimin e të gjitha institucioneve financiare. Protestat, të cilat fillimisht u nxitën nga rritja e çmimit të karburanteve, tashmë janë kthyer në një ortek kërkesash politike.
Tokayev pretendon se trazirat janë vepër e “bandave terroriste” të nxitura nga të huajt. Presidenti ka shpallur gjendjen e jashtëzakonshme, duke përfshirë një shtetrrethim natën dhe një ndalim të tubimeve masive.
