Raportet ndërmjet ShBA-ve dhe Rusisë, janë përmirësuar pas së ashtuquajturës periudhë e “Luftës së Ftohtë”. Por tash, pas ndërhyrjes së Rusisë në Ukrainë, ato janë në pikën më kritike.
Por ka pasur periudha kur krerët e të dy shteteve kanë qenë të interesuar për marrëdhënie paqësore, transmeton Fol Drejt.
Një periudhë e tillë u cilësua ajo kur në krye të Shteteve të Bashkuara të Amerikës ndodhej Bill Clinton, ndërsa në krye të Rusisë ndodhej Boris Yeltsin.
E paharrueshme ka mbetur konferenca e përbashkët para gazetarëve, Yeltsin e vizitoi Shtëpinë e Bardhë, më 1994. Sipas dëshmitarëve, presidenti rus ishte pijanec kronik, ndaj edhe në konferencë besohet të ketë dalë pak i nxehur.
“Shtypi amerikan është një katastrofë!” – pat thënë ai, duke e nxitur Clintonin të qeshte me aq zë, sa mezi mbahej në këmbë.
Kjo është videoja e regjistruar nga ajo kohë:
Mirëpo tash, raportet janë keqësuar. Në krye të ShBA-ve ndodhet Joe Biden ndërsa Rusinë e drejton Vladimir Putin. Ky i fundit, nuk duket që ka shije për humor dhe nuk njihet për varësi nga alkooli. Përkundrazi, ai përshkruhet si karakter i ashpër, deri në i krisur.
Urdhri që ka dhënë për ta sulmuar Ukrainën, e dëshmon këtë./FolDrejt/
