Kylian Mbappe, sulmuesi 24-vjeçar i PSG-së dhe i kombëtares franceze, prej vitesh është i lidhur me një transferim te Real Madridi, i cili ka dështuar dy herë në minutën e fundit. Megjithatë, në Twitter është shfaqur një video që tregon se lojtari më i shtrenjtë në botë mund të mos ketë hequr dorë për të shkuar në Madrid.
Gjegjësisht, në videon që është regjistruar në darkën e organizuar nga PSG, shihet tavolina ku janë ulur Mbappe dhe disa lojtarë të tjerë të kampionit francez si Achraf Hakimi, e në shoqëri është edhe Lionel Messi, gjykuar nga etiketa. E ndërsa shokët e tij të skuadrës po argëtohen, Mbappe është duke i ngulur sytë në celularin e tij duke parë çerekfinalen e Kupës së Mbretit mes Atletico-s dhe Realit, ku Reali përparoi pas kohës shtesë.
Sigurisht, është plotësisht e mundur që Mbappe të jetë thjesht një tifoz futbolli që shijon një lojë të mirë, por kjo skenë ka ngjallur shumë interes te tifozët e Realit në internet, të cilët besojnë se kjo është një provë që Mbappe ende dëshiron të bëhet lojtar i Realit, transmeton FolDrejt.
PSG players, Achraf Hakimi and Kylian Mbappe while watching the derby.
— Real Madrid Info ³⁶ (@RMadridInfo) January 27, 2023
