Vijon polarizimi i opinionit publik në Kosovë, për sa i përket çështjes “Klan Kosova”, shkruan Fol Drejt.
Ndërsa dhjetëra, qindra gazetarë, publicistë e aktivistë i janë bashkuar marshit protestues kundër vendimit të Ministrisë së Industrisë, Ndërmarrësisë dhe Tregtisë (MINT), për pezullimin e licencës së biznesit të Klan Kosovës, disa pankarta që mbajnë moto kundër atyre të mbajtura nga protestuesit, janë shfaqur krejt befas, shkruan Fol Drejt.
Një e tillë që mbante mbishkrimin: “ĐJAKOVICA, SRBIJA; PEČ, SRBIJA”, mori vëmendje të madhe, ndërsa edhe një tjetër e shpalosur në hyrje të foajesë së Teatrit Kombëtar, nuk ka kaluar pa u vërejtur.
Si për ironi, kjo e fundit u thoshte protestuesve “Mirë se vini në Republikën e Kosovës”.
Për më shumë, shihni videon:
Ua kujtojmë që MINT sot ka reaguar duke ia sqaruar opinionit publik se vendimi është marr pas shqyrtimit të dokumentacionit përkatës:
“Komisioni për Shqyrtimin e Ankesave për Regjistrimin e Bizneseve, pas verifikimit të të gjithë dokumentacionit në dispozicion për Klan Kosovën Sh.P.K., ka konstatuar se vendimi i shkallës së parë ishte i drejtë dhe në përputhje të plotë me ligjet në fuqi në Republikën e Kosovës. Kjo, pasi që Komisioni ka siguruar dokumentacionin aktual nga institucioni përkatës në Maqedoninë e Veriut, për “Pronarët e Vërtetë të Subjektit”, në të cilin dokumentacion ka gjetur se Kosova paraqitet përsëri si pjesë e Serbisë.
Në bazë të këtij dokumentacioni, i cili gjendet më poshtë (shih f. 1 dhe 3), Komisioni ka refuzuar ankesën e parashtruar nga pala në procedurë, duke konfirmuar të njëjtën shkelje të Kushtetutës që e ka konstatuar ARBK në shkallën e parë.
Çdo palë në procedurë gëzon të drejtën e ankimimit ndaj vendimeve të ARBK-së. Mirëpo, shkeljet e Kushtetutës nuk mund të konsiderohen kurrë si çështje “teknike”“./FolDrejt/
