Policia e Kosovës gjatë ditës së djeshme është përballur me provokime dhe sulme në veri të vendit, ndërsa ka ndërmarr një aksion për arrestimin e akterëve gjatë protestave të fundit, përkatësisht atyre që u përfshinë në sulmin ndaj pjesëtarëve të KFOR-it, shkruan Fol Drejt.
Për rezultatet e aksionit tregoi vetë Xhelal Sveçla, ministër i punëve të brendshme.
“Policia e Kosovës sot ka arrestuar Milun Milenkovic- Llune, një nga udhëheqësit e formacionit kriminal “Mbrojtja Civile” dhe prijësin e bandave kriminale që ndër vite kanë terrorizuar qytetarët tanë, kanë sulmuar pjesëtarët e Policisë së Kosovës dhe institucionet e Republikës së Kosovës. I njejti ka qenë edhe organizatori kryesor i sulmeve ndaj forcave të KFOR-it dhe Policisë së Kosovës në Zveçan.”
Por sikurse u transmetua në shumë media, aksioni nuk kaloi pa pasoja, ndërkohë u sulmuan edhe zyrtarët e Policisë së Kosovës:
“Gjatë arrestimit të tij, janë sulmuar zyrtarët e Policisë së Kosovës me ç’rast tre nga ta janë të lënduar lehtë.”
Situata kësisoj u përshkallëzua, ndërsa nëpër rrugë pati edhe incidente të tjera.
Ndër videot e shumta që u shpërndanë në rrjetet sociale, ishte edhe ajo ku shihet se si serbët lokalë sulmojnë të parin e Listës Serbe, Goran Rakiq.
Kjo nuk është përplasja e vetme ndërmjet serbëve gjatë këtyre javëve të fundit, qysh kur nisi përpjekja e autoriteteve të Kosovës, për t’i funksionalizuar institucionet komunale atje, pas zgjedhjeve të parakohshme lokale në komunat veriore./FolDrejt/
Srpska lista leader Goran Rakić assaulted yesterday in #Mitrovica. This is but one manifestation of the sense of betrayal felt by many Serbs in north #Kosovo. #Serbia pic.twitter.com/6B7BnhmNb5
— Ian Bancroft (@bancroftian) June 14, 2023
