Një ditë pasi Rusia akuzoi Ukrainën për dërgimin e dronëve për të sulmuar ndërtesat në Moskë, guvernatori i rajonit të Krasnodarit të Rusisë tha se një dron ishte shkaku i mundshëm i zjarrit që shpërtheu në rafinerinë e naftës Afipsky, raporton Klix, përcjell Fol Drejt.
Zjarri u shua shpejt dhe nuk pati viktima, tha guvernatori Veniamin Kondratyev. Rafineria Afipsky ndodhet jo shumë larg portit të Detit të Zi të Novorossiysk, pranë një rafinerie tjetër që është sulmuar disa herë këtë muaj.
In the Krasnodar Krai region, a drone crashed into an oil refinery. pic.twitter.com/nPtvTsNmiY
— NOELREPORTS 🇪🇺 🇺🇦 (@NOELreports) May 31, 2023
Guvernatori i rajonit të Belgorodit të Rusisë thotë se të paktën një person u plagos në një sulm artilerie në qytetin rus të Shebekino. Ai fajësoi Kievin për sulmin.
Nuk kishte asnjë informacion të menjëhershëm se kush i nisi sulmet brenda Rusisë, por Moska ka fajësuar Kievin për një numër sulmesh në javët e fundit, ndërkohë që ka rritur bombardimet e saj ndaj qyteteve të Ukrainës.
Sulmet me dronë rusë të martën lanë një person të vdekur dhe katër të plagosur në Kiev, sipas zyrtarëve ukrainas, por qielli mbi Ukrainë ishte relativisht i qetë gjatë natës.
Ukraina ka mohuar përgjegjësinë për sulmin me dron të së martës në Moskë. Kievi pothuajse kurrë nuk e merr publikisht përgjegjësinë për sulmet në Rusi. /FolDrejt/
