Rusia ka ditur ta shfrytëzojë ditën e saj më të rëndësishme (Ditën e Fitores), për t’i prezentuar armët e saj më të sofistikuara, për ta shpërfaqur forcën e saj.
Sheshi i Kuq shpesh ka qenë dëshmitar i kësaj “filozofie”, shkruan Fol Drejt.
Shih për këtë, parada e sivjetme është parë me një sy tjetër. Për çudi, disa nga armët të cilat kanë defiluar në shesh, nuk janë duke u përdorur në Ukrainë. Pse? – pyet Ra Republica.
Tanket Armata T 14
Të cilësuara si “më të fortat”, Tanket Armata T 14 janë paraqitur për së pari herë në vitin 2015. Pamja e tyre tronditi vëzhguesit perëndimorë: një top 125 mm i aftë të gjuante 10 fishekë në minutë; automatizimi për të reduktuar ekuipazhin në tre persona; një radar për të menaxhuar kundërmasat kundër raketave. Por edhe pas 7 vitesh, Moska nuk ka arritur të fillojë prodhimin në masë. Dyshohet se ato nuk funksionojnë…
T 15
Edhe derivati i T 14: T 15, një mjet I blinduar me forma futuriste për të sjellë në luftim një ekip prej 8 këmbësorësh, duket që nuk i ka kaluar të gjitha testet.
Sistemi i mbrojtjes dhe blindimi me material special e bën që mos ketë frikë nga raketat Javelin.
Ajo që do tu duhej rusëve në Donbas, shërben vetëm për paradën.
Arma 2S35 Koalitsiya-SV
Po ashtu edhe arma vetëlëvizëse 2S35 Koalitsiya-SV ka mbetur jashtë funksionit, diçka që ka shtyrë mediat perëndimore të shtrojnë pikëpyetje. Asaj i është dhënë një rreze veprimi prej 80 km, për të asgjësuar obuset e furnizuara nga Perëndimi për ukrainasit. Por hyrja në shërbim shtyhet nga viti në vit.
Nuk dihet qartë nëse Rusia e Putinit ka arsye të forta pse nuk i ka përfshirë këto armë në “lojën e luftës”, mirëpo spekulimet se bëhet fjalë për një “tigër prej letre”, nuk kanë munguar./FolDrejt/
