Video/ Rasti “Thaçi dhe të tjerët”, mbahet konferenca për ecurinë e çështjes

Në Dhomat e Specializuara në Hagë është mbajtur konferenca e radhës për ecurinë e çështjes “Thaçi dhe të tjerët”, shkruan Fol Drejt.

Kjo është konferenca e 15-të e ecurisë së çështjes, në të cilën janë diskutuar disa pika.

“Qëllimi i seancës sot, është që të shqyrtojmë ecurinë e çështjes dhe të diskutojmë për temat sipas rendit të ditës” – tha gjykatësi i rastit.

Konkretisht temat që u diskutuan janë:

1. Nxjerrja e materialeve, përkthimet;
2. Hetimet e mbrojtjes dhe hapat e mëtejshëm;
3. 40 dëshmitarët e parë të ZPS-së;
4. Dhe kërkesa shtesë të mbrojtës të paraqitura në parashtrimet e tyre me shkrim.

Ekipet e mbrojtjes janë ankuar se disa prej materialeve nuk janë dorëzuar me kohë, por ato kanë parashtruar edhe ankesa të tjera. Ish krerët e UÇK-së nuk kanë qenë të pranishëm në sallë./FolDrejt/