Serbia, për vitin 2023, është renditur në vendin e 58, për sa i përket rangimit në aspektin e fuqisë ushtarake, shkruan Fol Drejt.
Krahasuar me vitin e kaluar, Serbia ka gëzuar një ngritje në ranglistë. Fqinji ynë problematik, sipas Global Firepower mbetet më i fuqishmi në rajon, në aspektin ushtarak.
Sipas Global Firepower, organizatë kjo e cila matjen e ka mbështetur në më shumë se 60 faktorë individualë, si: numri i njësive financiare, gjendja financiare, kapaciteteve logjistike dhe vendosja gjeografike, edhe Kosova ka gëzuar një ngritje në tabelë, duke u radhitur e 134-ta.
Sivjet, Global Firepower shqyrtoi gjithsej 145 forca ushtarake në mbarë botën.
Shtetet e Bashkuara të Amerikës u renditën të parat, ndërsa vendi i Azisë Jugore, Butani, zuri vendin e fundit.
Rusia doli në vendin e dytë, e ndjekur nga Kina, India, Mbretëria e Bashkuar, Koreja e Jugut, Pakistani, Japonia, Franca dhe Italia.
Në rajon, pas Serbisë radhitet Kroacia si e 69-ta, Shqipëria – e 91-ta, Maqedonia e Veriut – e 108-ta, Mali i Zi – e 128-ta, Bosnja dhe Hercegovina – e 133-ta.
Dashuria për “plumba”
Por ambiciet për t’u armatosur e forcuar në planin ushtarak, nuk i kanë pushtuar Serbisë. Krerët e saj kanë deklaruar se kanë ambicie edhe më të mëdha.
“Ky nuk është lajm për ne, ishte e pritshme. Po më sulmoni tani se jemi të parët në rajon apo po më kritikoni se po armatosemi?”, citohet të ketë thënë Aleksandër Vuçiq, president i Serbisë, gjatë një paraqitje në TV Pink.
Po ashtu edhe Ministri i Mbrojtjes i Serbisë i cili është njëkohësisht edhe zëvendëskryeministër Millosh Vuçeviç, ka thënë se qëllimi është ta forcojnë edhe më tutje vendin e tyre në këtë aspekt.
“Nislisë dhe jugut të Serbisë i treguam se çfarë po bënte Ushtria Serbe në vitet e kaluara, që të jenë më të fortë dhe të mbrojnë lirinë dhe pavarësinë e vendit. Kemi shumë më tepër në krahasim me periudhat që janë pas. Jo për të hyrë në listat se kush është më i mirë, por për të pasur komoditetin e të qenit i lirë. Një ushtri e fortë është garantuesi i paqes dhe lirisë”, ka thënë tha Vuçeviç.
Por cila është forca e saj e vërtetë?
Serbia ka 25,000 ushtarë aktivë, ndërsa llogaritet t’i ketë 50,000 rezervista, ndërsa 5000 forca paramilitare;
Serbia ka 117 avionë, si pjesë e aviacionit ushtarak, duke e përfshirë këtu edhe një transportues (avion të madh);
Serbia ka 51 helikopterë;
Serbia ka 242 tanke etj.
Për më shumë, shiheni videon në vijim:
Duke i komentuar këto ambicie të shteti fqinj, Kryeministri i Republikës së Kosovës Albin Kurti, në një intervistë të dhënë për NBC News pat thënë se “Serbia dëshiron një ‘makinë të kohës’ që të kthehet para se Kosova të shpallte pavarësinë”. Ua kujtojmë se Serbia mbetet i vetmi vend në rajon që synon integrimet euroatlantike, ndërsa nuk i ka vënë sanksione Rusisë./FolDrejt/
