Mëngjesi i sotëm i ka gjetur komunat veriore nën atmosferë tensionesh. Qytetarë të shumtë serbë, të nxitur nga Lista Serbe, kanë provuar të iu aviten objekteve komunale, por ato po mbahen të rrethuara nga trupa të shumtë të policisë dhe KFOR-it, shkruan Fol Drejt.
Qindra serbë u mblodhën përpara objekteve të komunave të Zveçanit, Zubin Potokut dhe Leposaviqit, duke kërkuar tërheqjen e kryetarëve të sapozgjedhur shqiptarë.
Megjithatë në Zubin Potok janë parë pjesëtarët e KFOR-it nga Lituania dhe Austria, në Leposaviq janë të pranishëm KFOR-i nga SHBA dhe Italia, kurse në Zveçan janë pjesëtarët KFOR-it nga Polonia dhe Hungaria.
Në një video të publikuar nga Klan Kosova, ish kryetarit të Leposaviqit, një zyrtar i KFOR-it amerikan është dëgjuar duke i thënë “këtu nuk jemi për të bërë negociata…”.
Aktualisht, sipas raportimeve, masa e protestuesve mbetet pranë objekteve, të cilat po mbahen të sigurta nga trupat e policisë dhe KFOR-it./FolDrejt/
