Disa pasagjerë të cilët kishin hipur në një tren për zbavitje në një park lojërash në Kanada, kanë përjetuar një moment të tmerrshëm, shkruan BBC, transmeton Fol Drejt.
Pasagjerët mbetën të varur kokëposhtë për gati 30 minuta, pasi një udhëtim në park zbavitje shkoi keq. Treni pësoi një dëmtim në një park lojërash në Vaughan, në Ontario të Kanadasë.
Pamjet nga TikTok tregojnë momentin drithërues kur pasagjerët e kthyer përmbys, shihnin të tmerruar nga toka.
Ekipi i mirëmbajtjes së parkut iu përgjigj incidentit dhe arriti t’i merrte të gjithë pasagjerët, të cilët u kontrolluan nga stafi i ndihmës së parë. Mediat lokale raportuan se dy të ftuar u ankuan për dhimbje gjoksi përpara se të liroheshin pa pasur nevojë për kujdes të mëtejshëm mjekësor./FolDrejt/
