VIDEO/ Tre të vdekur, mes tyre një vajzë 13-vjeçare, nga erërat e forta në Korsikë

Tre persona, duke përfshirë një vajzë dhe një grua të moshuar, u vranë pasi erërat e forta goditën sot Korsikën , duke lënë 45,000 familje pa energji elektrike, thanë autoritetet, shkruan protothema, transmeton Fol Drejt.

Breshër, shi i dendur dhe erëra me shpejtësi deri në 224 km/h përfshiu Korsikën pasi pjesë të Francës – pas valëve të të nxehtit të njëpasnjëshëm dhe thatësirës së madhe – panë më shumë shi në pak orë sesa në kohëzgjatjen e të gjithë muajve të fundit.

Të paktën 12 persona u plagosën në ishull dhe operacionet e shpëtimit në det po vazhdojnë, shtuan ata.

Pasditen e djeshme të së mërkurës në Marsejë, rrugët u përmbytën dhe lumenj uji rrodhën poshtë shkallëve që të çojnë në portin e qytetit, sipas videove të postuara në rrjetet sociale.

Më tej në veri të Francës, thatësira ka rezultuar që lumi Loire, i famshëm për kështjellat e tij, të jetë aq i ulët sa edhe maunat turistike (‘pantoflat’) luftojnë për ta lundruar./FolDrejt/