Anëtari i gjeneratës legjendare të Manchester United, Nemanja Vidić, në një intervistë me ish-bashkëlojtarin e tij Rio Ferdinand, ka folur për shumë tema, e ndër të tjera ka theksuar se gjëja më e vështirë për të ka qenë ruajtja e Didier Drogbas, shkruan Klix, përcjell Fol Drejt.
“Nga të gjithë lojtarët me të cilët kam luajtur, do të thosha Didier Drogba i pari. Ishte shumë e vështirë të luash kundër tij, veçanërisht në Stamford Bridge, ku fusha është më e vogël. Ai ishte kaq i zgjuar, i fortë… Ishte i jashtëzakonshëm.” ka thënë mbrojtësi serb, më pas renditi disa sulmues të tjerë të famshëm.
“Pastaj ju keni Sergio Aguero. Ai ishte jashtëzakonisht i shpejtë. Ai ishte i mrekullueshëm. Ju mendoni se ai nuk është i shpejtë, dhe pastaj ai vrapon pranë jush, ai ishte veçanërisht i shpejtë në hapat e parë. Sigurisht që është edhe Luis Suarez. Fernando Torres pati një ose dy vite të shkëlqyera në Liverpool”, shtoi ai.
Nemanja Vidić mbeti i shkruar me shkronja të arta në historinë e skuadrës nga Old Trafford, me të cilën fitoi gjithçka që mund të fitohet.
Ai mbërriti te Manchester United në afatin kalimtar dimëror të vitit 2006. Ai luajti saktësisht 300 ndeshje për ta, si dhe veshi fanellat e Crvena Zvezdës, Spartak Moskës dhe Interit, ku e mbylli karrierën.
Me United, ai fitoi pesë tituj kampion anglez, shtatë Superkupa të Anglisë, tre Kupa të Ligës, një Ligë të Kampionëve dhe një kampionat Botëror për Klube. /FolDrejt/
