Të paktën katër persona u vranë dhe dhjetë u plagosën të enjten në sulmin me raketa ruse në Kherson, nga i cili forcat ruse u tërhoqën dy javë më parë, tha guvernatori i rajonit në Ukrainë, i cili është kryesisht pa energji elektrike dhe ujë, një ditë pas sulmeve të shumta ruse në infrastrukturës energjetike.
“Okupatorët rusë hapën zjarr në zonën e banimit nga raketahedhës të shumtë. Një ndërtesë e madhe mori flakë”, shkroi në Telegram Jaroslav Yanuchevich, kreu i administratës ushtarake Kherson, transmeton Fol Drejt.
Pjesa më e madhe e Ukrainës, veçanërisht kryeqyteti Kiev, ishte pa energji dhe ujë të enjten, një ditë pas një sulmi tjetër të ashpër rus ndaj infrastrukturës energjetike, të cilin aleatët perëndimorë e përshkruan si një “krim lufte” me afrimin e dimrit.
Saktësisht nëntë muaj që nga fillimi i pushtimit rus, miliona ukrainas kaluan të enjten pa energji elektrike dhe ngrohje.
Në Kiev, ku shiu i ftohtë ra mbi borën dhe temperaturat ishin afër zeros, rreth 70 për qind e popullsisë mbeti pa energji elektrike dhe furnizimi me ujë po kthehet në normalitet, tha administrata e qytetit.
Ministria ruse e Mbrojtjes, megjithatë, njoftoi se kryeqyteti ukrainas nuk ishte objektiv i sulmeve ruse, duke akuzuar mbrojtjen ajrore ukrainase si përgjegjëse për dëmet në Kiev.
Në pjesën tjetër të Ukrainës, pjesë të mëdha mbetën pa energji elektrike, por lidhja e infrastrukturës së rëndësishme me rrjetin po vazhdon gradualisht.
Në Kharkiv, qyteti i dytë më i madh në vend, jo shumë larg kufirit me Rusinë, furnizimi po normalizohet pas një pune “shumë të vështirë”, tha kryetari Igor Terehov, përcjell Fol Drejt.
Sulmet me raketa ruse vazhduan dhe përveç viktimave dhe të plagosurve në Kherson në jug, viktima pati edhe në Vishhorod, afër Kievit, ku mbetën të vrarë gjashtë persona dhe 30 të plagosur.
Të mërkurën, në fjalimin e tij në Këshillin e Sigurimit të OKB-së përmes lidhjes video, presidenti ukrainas Volodymyr Zelenskiy dënoi “krimin kundër njerëzimit” sepse “me temperatura nën zero, miliona njerëz mbeten pa energji, ngrohje dhe ujë”.
Siç njoftoi Ministria e Energjisë, këto sulme me raketa të mërkurën lanë “një shumicë të madhe të konsumatorëve” pa energji elektrike në Ukrainë, e cila kishte rreth 40 milionë banorë përpara pushtimit rus më 24.
Të mërkurën, Rusia lëshoi rreth 70 raketa lundrimi në Ukrainë, 51 prej të cilave u rrëzuan, sipas Kievit. Objektivi i këtyre sulmeve ishte një infrastrukturë e rëndësishme energjetike që tashmë ishte dëmtuar në fushata të ngjashme raketore.
Shërbimi i inteligjencës ushtarake ukrainase vlerësoi të enjten se Rusisë “i duhet rreth një javë” për të përgatitur sulme të reja masive./FolDrejt/
