Është publikuar lista preliminare e renditjes së kandidatëve për ushtarë të Forcës së Sigurisë së Kosovës.
Ministria e Mbrojtjes e Republikës së Kosovës (MB), ka njoftuar kandidatët për rekrutë në FSK se është publikuar lista preliminare e renditjes në bazë të pikëve gjatë testimeve (Testi Fizik, Testi i Inteligjencës, Testi i Njohurive të Përgjithshme dhe Intervista), transmeton Fol Drejt.
Përzgjedhja finale, sipas njoftimit zyrtar, do të bëhet pas kontrolleve mjekësore, verifikimit final të dosjeve, por gjithmonë duke e respektuar renditjen meritore.
Të gjithë kandidatët do t’i nënshtrohen edhe procesit të verifikimit (pastërtisë së figurës) sipas legjislacionit të fuqi.
Kandidatët e proceduar me kusht (ata që kanë tatuazhe apo paqartësi për të kaluarën) mbesin në garë deri në qartësimin e situatës për të cilën janë proceduar me kusht.
Ministria thotë se lista mund të përditësohet nëse është bërë ndonjë lëshim teknik eventual.
Njoftimi për orarin e ekzaminimit mjekësor do të publikohet deri më 04.02.2022.
Lista preliminare e rekrutëve KËTU./FolDrejt/
