Putin po merr pjesë në samitin e Kinës “Një brez dhe një rrugë” për herë të tretë, por takimi mund të errësohet nga luftërat, shkruan Al Jazeera, transmeton Fol Drejt.
Presidenti rus Vladimir Putin ka mbërritur në Pekin përpara një takimi me presidentin kinez Xi Jinping të mërkurën.
Xi e ftoi “mikun e tij të dashur” Putin në forumin e tretë të Iniciativës së Kinës “Një brez dhe një rrugë”, ku liderët e 130 vendeve do të diskutojnë një nga projektet ndërkombëtare.
Por tema e takimit ka të ngjarë të errësohet nga lufta Izrael-Hamas, si dhe nga pushtimi i vazhdueshëm i Rusisë në Ukrainë.
Kina është një nga vendet e para që Putini ka vizituar që kur Gjykata Ndërkombëtare Penale (ICC) me bazë në Hagë lëshoi një urdhër arresti kundër tij në mars, duke akuzuar liderin rus për dëbimin e paligjshëm të fëmijëve nga Ukraina.
Kina nuk është një nga 123 vendet që janë anëtarë të GJNP-së, ndaj nuk është e detyruar ta transferojë Putinin në Hagë për gjykim.
Në fillim të këtij muaji, Putin vizitoi Kirgistanin, por Kina është e para jashtë vendeve të ish-republikës sovjetike që ai ka vizituar këtë vit. Kirgistani gjithashtu nuk është anëtar i ICC-së./FolDrejt/
