Presidentja e Komisionit Evropian Ursula von der Leyen do të vizitojë kryeqytetin ukrainas Kiev të martën për t’u takuar me presidentin ukrainas Volodymyr Zelensky, transmeton Anadolu Agency, përcjell Fol Drejt.
Eric Mamer, zëdhënës i Komisionit Evropian, tha se von der Leyen do të përsërisë mbështetjen e BE-së për Ukrainën.
Ai tha se vizita do të bëhet në Ditën e Evropës, 9 maj, dhe se ata mirëpresin vendimin e Ukrainës për të festuar këtë ditë nga ky vit e tutje.
Mamer tha gjithashtu se detajet e vizitës nuk do të ndahen për arsye sigurie, por se dëshira e Ukrainës për t’u bashkuar me BE është në axhendë.
Që kur Rusia nisi luftën e saj kundër Ukrainës rreth 14 muaj më parë, Kievi ka bërë një përpjekje të ripërtërirë për t’u bashkuar me BE-në dhe NATO-n, megjithëse Moska është kundër të dyjave. /FolDrejt/
