Një baba është akuzuar për vrasje të dyfishtë pasi gruaja dhe vajza e tij 12-vjeçare u gjetën të vdekura, shkruan The Sun, përcjell Fol Drejt.
Trupat e Louise Nash – e cila kishte vështirësi të mëdha në të mësuar – dhe nënës së saj 44-vjeçare Jillu Nash u zbuluan në shtëpinë e tyre muajin e kaluar.
Louise u godit me thikë në stomak dhe nëna e saj vdiq nga “presioni në qafë” në shtëpinë e tyre në Sudbury, Suffolk, më 8 shtator. Peter Nash është ngarkuar me dy akuza për vrasje dhe do të paraqitet sot para Gjykatës së Magjistraturës Ipswich. Një hetim për vdekjen e nënës dhe vajzës u hap më 7 tetor. Prona ishte adresa e shtëpisë së Jillu dhe Peter Nash, të cilët ishin burrë e grua.
Ata jetonin në pronën e tyre “me vajzën 12-vjeçare Louise, e cila kishte vështirësi të mëdha në të mësuar”. Policia tha se një ekzaminim pas vdekjes nga Home Office arriti në përfundimin se shkaku i vdekjes së zonjës Nash ishte presioni në qafë, ndërsa shkaku i vdekjes së vajzës së saj ishte një plagë me thikë në bark.
Detektivët kanë vazhduar të apelojnë për çdo dëshmitar dhe u kanë kërkuar atyre që kanë informacion të paraqiten. /FolDrejt/
