Presidenti i Serbisë Aleksandër Vuçiq së fundi ka thënë se Serbia do të vijojë të forcohet në aspektin ushtarak, shkruan Fol Drejt.
Vuçiq ka thënë se synimi është që të investohet më shumë në industrinë e mbrojtjes dhe ushtri, shkruan N1info.
“Ushtria serbe duhet të jetë shumë më e fortë” se sa është sot, edhe pse është “pa krahasuar më e fortë se sa ishte” – tha ai gjatë vizitës në panairin ndërkombëtar të armëve në Abu Dhabi. Rritja e aftësive operative të ushtrisë dhe gatishmërisë për luftë, është prioritet shtetëror për momentin, ka thënë Vuçiq.
Ai tha se plani është që në vitin 2023 dhe 2024 të blihen 200 armë të rënda, që kapin vlerën rreth 300 milionë euro, duke shtuar se po ashtu ka një interes të shtuar ndaj prodhimeve serbe të armëve nga të huajt.
Vuçiq shfrytëzoi rastin ta përmendte edhe Kosovën, duke thënë se ajo pritet t’i blejë 100 automjete të blinduara deri në fund të vitit, duke i shfrytëzuar donacionet të cilat sipas tij janë “në kundërshtim me Rezolutën 1244 të Këshillit të Sigurimit të Kombeve të Bashkuara”.
Sipas tij, në 70-80 vitet e fundit, nuk ka pasur armatim kaq intensiv në botë sa sot./FolDrejt/
