Si asnjëherë më parë dhe në mënyrë të drejtpërdrejtë, presidenti Aleksandër Vuciq pranon që Serbia ka humbur një shansë të madhe për marrëveshje me Kosovën që lidhej me ndarjen e Kosovës, informon foldrejt.com. E gjithë kjo është ndaluar falë ndërhyrjes së një shteti të madh europian, që solli edhe taksën 100 përqind ndaj prodhimeve serbe në Kosovë, informon foldrejt.com.
“Amerikanët kundërshtuan më zëshëm sesa europianët dhe unë gjithë kohën e di – është e pamundur që shqiptarët ta bëjnë këtë pa ndihmën e dikujt. Kuptohet, shqiptarët kanë pasur mbështetjen e një fuqie të madhe europiane, në mënyrë që Serbia të thotë braktisim dialogun dhe që Serbia të mos mund të kërkojë as veriun e Kosovës, as Anamoravën e Kosovës, e as ndonjë pjesë tjetër, që të rrënohet cilido plan sipas të cilit Serbia do të fitonte diçka”, tha presidenti serb për TV Hepi në lidhje me taksën 100 përqind.
“Cili është thelbi? Pas një kohe në lidhje me taksën, nga Europa kanë nisur të na akuzojnë se nuk kemi përmbushur disa marrëveshje energjetike dhe atëherë e kuptova se ku është qëllimi, meqë veçmas një vend insistonte në përmbushjen e marrëveshjes energjetike që është një nga 48 marrëveshjet, meqë ata duan kështu të përfitojnë më shumë para. Ndërsa për Bashkësinë (Asociacionin) e Komunave Serbe as që ua bën“, ka thënë ai.
Tashmë “rivendosja e kufijve” duket si çështje e përfunduar.
Në lidhje me ndarjen e Kosovës, pro kanë qenë shumë shtete europiane si Hungaria, Franca dhe Austria, por kategorikisht kundër kanë qenë vetëm dy shtete: Gjermania e kancelares Angela Merkel dhe Zvicra.
Këtu mund t’i drejtohemi për të fundit herë dhe përgjithmonë “Danke MERKEL”./Foldrejt.com
