NATO ka kërkuar nga Serbia që të jetë më e kujdesshme për sa i përket tensioneve me Kosovën, përgjegjëse për sigurinë e së cilës, është edhe KFOR-i, shkruan Fol Drejt.
Konkretisht Sekretari i Përgjithshëm i NATO-s, Jens Stoltenberg, ka deklaruar se gjatë takimit me presidentin e Serbisë, Aleksandar Vuçiq, është diskutuar për çështjen e sigurisë brenda territorit të Kosovës, tensionet e kësaj të fundit me Serbinë si dhe sigurinë e vetë rajonit.
Stoltenberg ka përmendur tensionet e shtatorit, ku pas të cilave është marr vendimi për shtimin e trupave, e që sipas tij “kjo tregon se jemi gati të ruajmë paqen.”
Stoltenberg ka theksuar se pret që nga të dyja palët “të përmbahen nga përshkallëzimi”.
Ai madje ka thënë se i ka thënë presidentit Vuçiq se “grumbullimi i ushtrisë serbe pranë kufirit nuk do të ndihmonte”, normalizimin e situatës.
Mor mediat serbe citojnë Vuçiqin t’i ketë thënë Stoltenbergut se, ajo është çështje e Serbisë:
“Asnjëherë nuk i ka tejkaluar të drejtat dhe kompetencat e veta. Gjithmonë ka pasur marrëdhënie korrekte me KFOR-in dhe NATO-n. Dhe ku dhe si do ta vendosim ushtrinë tonë, në përputhje me Kushtetutën e Republikës së Serbisë dhe ligjet e këtij vendi dhe pa rrezikuar dikë ose në çfarëdo mënyre është puna jonë”.
Sipas Vuçiq, ushtria e Serbisë nuk merr urdhra nga askush./FolDrejt/
