Aleksandër Vuçiq mbajti një fjalim agresiv në OKB, ndërsa e cilësoi Qeverinë Kurti si shtypëse e të drejtave të serbëve në Kosovë.
Presidenti i Serbisë Aleksandër Vuçiq në një fjalim të cilin e ka mbajtur një fjalim në Asamblenë e Përgjithshme të Kombeve të Bashkuara, ka folur edhe për raportet me Kosovën, çështje të cilën e ka cilësuar si komplekse, shkruan Fol Drejt.
“Të gjithë ata që kryen agresionin kundër Serbisë sot flasin për integritetin territorial të Ukrainës dhe ne e mbështesim atë dhe nuk i ndryshojmë parimet tona. Për ne e gjithë dhuna është e njëjtë”, citohet të ketë thënë Presidenti i Serbisë.
Ai theksoi se në botën moderne rregullat duhet të vlejnë për të gjithë dhe shtoi se “paqja është bërë fjalë e ndaluar”.
Vuçiq në fjalimin e tij ka treguar se nuk është bindur ende për çështjen e Kosovës. Për të, ende është e vlefshme rezoluta 1244.
“Unë e mbështeta prezantimin e presidentit amerikan për respektimin e integritetit territorial dhe të drejtave të njeriut, por pothuajse të gjitha vendet perëndimore shkelën Kartën e OKB-së dhe Rezolutën 1244”, tha Vuçiq.
Nga ana tjetër, siç theksoi ai, Serbia nuk po i ndryshon parimet e saj
“Për ne, e gjithë dhuna është e njëjtë.” Çdo shkelje e Kartës së OKB-së është e njëjtë. Pavarësisht nga forca, dhe pavarësisht nga justifikimet. Por kur i pyesim për atë që i është bërë vendit tim, përgjigja është ajo që të gjithë ju presidentë të vendeve më të vogla e keni dëgjuar një milion herë: ‘Mos u ktheni në të kaluarën’. Parimet nuk ndryshojnë nga rasti në rast, parimet nuk vlejnë vetëm për të fortët. Nëse ndryshojnë kaq lehtë, atëherë nuk janë parime. Të gjitha rregullat duhet të zbatohen për të gjithë, ose ne do të përfundojmë si një botë në konfliktet më të vështira. Një tjetër gjë e rëndësishme është se paqja është bërë një fjalë e ndaluar. Të gjithë kanë të preferuarit dhe fajtorët e tyre. Fuqitë e mëdha kanë vetëm parime të rreme”, tha Vuçiq.
Ai madje ka shkuar aq larg sa që ka thënë se në Kosovë është duke u ushtruar dhunë ndaj serbëve.
“Vetëm javën e kaluar Albin Kurti tha në Bruksel se serbët do të paguajnë dhe do të vuajnë. A është e mundur të bëhet një tallje kaq e ulët me njerëzimin dhe rendin ndërkombëtar? Vetëm një ditë më vonë, pikërisht tani, u mor arrestua një grup serbësh”, vijoi ai.
Nga mediat serbe janë paralajmëruar një varg takimesh dypalëshe në margjinat e Asamblesë së Përgjithshme të Kombeve të Bashkuara./FolDrejt/
