Presidenti i Serbisë, Aleksandër Vuçiq, ka biseduar sonte me kryeministrin e Kosovës, Albin Kurti, për marrëdhëniet e ardhshme mes Beogradit dhe Prishtinës, sipas propozimit të përfaqësuesve të Francës dhe Gjermanisë, i cili mbështetet nga ShBA-të, raporton Danas, përcjell Fol Drejt.
Vuçiq tha se ishte një takim jashtëzakonisht i vështirë dhe se beson se do të ketë edhe më shumë, siç tha ai, një tjetër takim më 18 mars në Maqedoninë e Veriut, kur Borrell do të vizitojë rajonin.
“Deri atëherë duhet të flasim me Lajçakun. Do të diskutohet domosdoshmëria e zbatimit të të gjitha marrëveshjeve të mëparshme. Asociacioni është vetëkuptueshëm dhe nuk mendoj se Kurti ishte gati ta pranonte tani, do të shohim për të ardhmen. Kam frikë se mund të ngecim në diçka që është dashur të përmbushet shumë kohë më parë”, tha Vuçiq.
Është mirë që biseduam, shpresoj dhe besoj se do të mund të punojmë në atë që e quajtëm zbatim të marrëveshjeve të arritura më parë.
Kurti, siç tha ai, ka ardhur me idenë për të nënshkruar diçka, por askush nuk ka qenë pro.
“Së pari, gjithçka që është rënë dakord duhet të zbatohet, dhe Asociacioni vjen i pari,” u tha Vuçiq gazetarëve në Bruksel.
“Njerëzit gjithmonë do të thonë se kam ardhur për të nënshkruar diçka”. E pashë që ka një fushatë kundër Asociacionit dhe për këtë do të flas nesër. Janë 22 marrëveshje që kemi nënshkruar, të cilët janë të një rëndësie vendimtare. Nëse dikush nuk e kupton këtë, do të thotë se nuk e kupton realitetin – shpjegoi Vuçiq.
Nesër, siç tha ai, do të shihen të katër dokumentet e nënshkruara shumë kohë më parë, që përmbajnë parimet.
“Shumë gjëra të rëndësishme për ne janë aty, Kurtin e kam dëgjuar me vëmendje, e kam dëgjuar pse ishte e papranueshme për të, por i qëndroj faktit që duhet të plotësohet, në datën 24 duan të kenë raport nga Këshilli Evropian dhe kështu do t’i trajtojnë integrimet tona evropiane. Ne nuk kemi ende një udhërrëfyes, duhet të ulemi dhe të punojmë për të. Gjithmonë flitet për zbatimin. Ngadalë, të shohim si dhe çfarë” , tha Vuçiq.
Takimi Vuçiq-Kurti me shefin e diplomacisë evropiane, Josep Borrell dhe përfaqësuesin special të BE-së për dialogun ndërmjet Beogradit dhe Prishtinës, Miroslav Lajçak, ka filluar pak para orës 18:00, rreth 45 minuta më vonë se sa ishte planifikuar, shkruan agjencia Beta. Takimi ka përfunduar, siç raportojnë mediat, pak pas orës 20:00. /FolDrejt/
