Presidenti i Serbisë Aleksandër Vuçiq edhe një herë e ka shfrytëzuar rastin që, që nga Parisi, të përhapë frikë e të krijojë pasiguri për serbët në Kosovë, raporton Fol Drejt.
“Nuk është në rrezik siguria ime, është në rrezik siguria e njerëzve tanë në Kosovë dhe Metohi!” – shkruan Pink.rs duke iu referuar disa deklaratave të Vuçiqit, menjëherë pas takimit me Josep Borrelin dhe Miroslav Lajçakun.
Sipas Vuçiqit “Kurti po tenton që në mënyrë të njëanshme t’i dëbojë serbët nga vatrat e tyre dhe në këtë po e përkrahin Gjermania dhe Britania e Madhe” – citohet të ketë thënë ai.
Pas takimit me këta përfaqësues (i pari Përfaqësues i Lartë i BE-së për Politikën e Jashtme ndërsa i dyti i Dërguar special i BE-së për dialogun Kosovë – Serbi), ai konfirmoi që në qendër të vëmendjes ishte çështja e Kosovës.
Siç thotë ai, kanë biseduar për të parë nëse ka ndonjë mënyrë për të arritur një zgjidhje kompromisi.
“Është diçka që nuk mund të të lërë indiferentë, e të mos të japë mundësi të bësh gjëra të tjera të mira” – tha Vuçiq.
Ndonëse forumi në Paris, është një ngjarje që ka shumë anë të mira, sipas Vuçiqit, lajmi i keq është se “Kurti po përpiqet t’i dëbojë serbët nga vatrat e tyre me lëvizje të njëanshme” – është shprehur ai.
Në gjithë këtë ndërmarrje, Kosovës, sipas tij, po i ndihmojnë Gjermania dhe Britania e Madhe./FolDrejt/
