Presidenti i Serbisë Aleksandër Vuçiq është duke u përballur me disa akuza që kanë të bëjnë me disa dhurata të cilat ai i ka pranuar si funksionar i lartë shtetëror. Opozita serbe po e akuzon atë për vjedhje të këtyre dhuratave, shkruan Fol Drejt.
Vlera e një or, që sipas presidentit serb nuk është aq sa pretendon opozita, nuk është aq e lartë. Opozitari Miroslav Paroviq ka thënë se ajo ka vlerën e një gjysmë milioni euro, por sipas Vuçiqit ajo vlen afër 1000 euro.
Sipas Danas, atë e ka dhuratë me përkushtim nga ish presidenti çek Milosh Zeman.
“E dini, është dhuratë dhe si e tillë duhet t’i mbetet shtetit. Gjithsesi kam të drejtë ta riblej pasi ka vlerë sentimentale për mua. Prandaj kërkova vlerësim”, ka shpjeguar Vuçiq.
Dhuratat e Aleksandër Vuçiqit kanë qenë objekt i vëmendjes së publikut edhe më herët, kur Nemanja Sharoviç, presidenti i Lëvizjes “Ljubav Vera Nada”, paraqiti informacione dhe pretendoi se Vuçiq qëllimisht ua uli çmimin e dhuratave që merrte si zyrtar i Serbisë nga kolegët e huaj, për të mbetur në pronësinë e tij, jo shtetërore.
Ky politikan opozitar akuzon presidentin e Serbisë se i ka vjedhur këto dhurata dhe dhurata të tjera që i ka marrë nga koha kur ishte në pozitën e nënkryetarit të parë të Qeverisë së Serbisë. Midis tyre janë deveja e artë, një pikturë artistike:
“Më pas ka vjedhur edhe një deve të artë që e ka marrë në panairin e armëve, që është rreth disa kilogramë ar dhe një vlerë artistike që duhet vlerësuar. Ai vodhi gjithashtu një pikturë të shtrenjtë artistike që ia solli Sheikh Bin Zayed kur erdhi për herë të parë në Beograd. Bëhet fjalë për një miliarder, i cili gjatë vizitës së tij të dytë dhuroi tre Mercedes të blinduar, me vlerë 3 milionë euro. Vuçiq e vlerësoi pikturën e shtrenjtë në katalogun e dhuratave në 700 dinarë dhe e mbajti atë. “Nuk mund të blesh as një kanavacë të zbrazët në një dyqan kinez për atë shumë, dhe është e qartë se Vuçiq ka përfaqësuar në mënyrë të rreme vlerën e dhuratave jashtëzakonisht të shtrenjta dhe i ka vjedhur ato nga qytetarët e Serbisë”, thotë ai.
Sharoviq thotë gjithashtu se nuk ka dyshim se vlera totale e dhuratave që Vuçiq ka mbajtur në posedim i kalon shumë gjysmë milioni euro, siç e kanë vlerësuar disa këtë orë të diskutueshme.
“Vuçiq me shumë mjeshtëri fsheh gjurmët e veta kriminale dhe fshihet pas Parlamentit dhe Qeverisë së Serbisë, por ashtu si Al Capone shkoi në burg për evazion fiskal, ju garantoj se Vuçiq do të futet në burg për devenë e artë dhe të gjitha dhuratat e tjera që ka vjedhur”, thotë presidenti i “Ljubav Vera Nada”./FolDrejt/
