Presidenti serb, Aleksandar Vuçiq, tha se Serbia do të marrë vendimet e veta për politikën e saj dhe se nuk do të vendosë sanksione ndaj Rusisë për aq kohë sa të zgjasin dhe se ia ka dalë ta bëjë këtë për një vit e gjysmë deri më tani.
“Ne duam t’i marrim vendimet tona dhe deri më tani ia kemi dalë dhe do të dalim apo jo, nuk betohem, ndryshe nga ata që më sulmojnë si ky njeri”, tha Vuçiq në TV Prva, duke komentuar deklaratën e diplomatit Dushko Lopandiq se sanksionet hyrëse kundër Rusisë i sjellin dëm të madh Serbisë.
Vuçiq tha se Lopandiqi është një njeri i shkolluar, por ai dhe morali janë të një kategorie tjetër dhe se për fat të mirë nuk është më ambasador në Bruksel. “Ai është një nga njerëzit që krenohet me faktin se ne jemi një mizë në kurrizin e disa fuqive perëndimore. Ky ka qenë qëllimi i tij gjatë gjithë jetës së tij. Ne kemi ëndrra të ndryshme. Unë ëndërroj të kemi një Serbi të pavarur dhe të lirë, të jemi pjesë e BE-së”, tha Vuçiq.
