Një deklaratë e lëshuar nga Kryeministri i Republikës së Kosovës Albin Kurti, duket se e ka trazuar Presidentin e Serbisë Aleksandër Vuçiq, i cili sot duket se e ka gjetur kohën t’i kundërpërgjigjet, shkruan Fol Drejt.
Kryeministri Albin Kurti tha para disa ditësh se në Bruksel do të shkojë vetëm për marrëveshjen përfundimtare:
“Unë shkoj atje vetëm për marrëveshjen finale, ndërkombëtarisht e ligjërisht të obligueshëm, për normalizimin e plotë të marrëdhënieve e me njohjen reciproke në qendër, ky duhet të jetë qëllimi dhe ky duhet të jetë kuptimi.”
Kjo deklaratë duket se e ka trazuar Vuçiqin, i cili ka thënë se në Bruksel nuk do të shkojnë për marrëveshje finale.
Ai “mund të shkojë në Bruksel kur të dojë dhe si të dojë, i uroj udhëtim të mbarë!” – citohet të ketë thënë Vuçiq.
Sipas Vuçiq, kjo është në vullnetin e Albin Kurtit, por çështja e statusit përfundimtar ka përfunduar edhe atë “në përputhje me Kartën e Kombeve të Bashkuara dhe Rezolutën 1244”.
Ua kujtojmë se pas marrëveshjes së targave, nga Bashkimi Evropian (BE) si ndërmjetësues, është bërë me dije se do të intensifikohen takimet me qëllim të stabilizimit të plotë të marrëdhënieve ndërmjet dy vendeve të Ballkanit Perëndimor./FolDrejt/
