Një ndër opozitarët më të zëshëm serb, Radomir Lazoviq, i ka komentuar zhvillimet e fundit në serbi, ndërsa është pyetur edhe për kreun e BIA-s, i cili së fundi u sanksionua nga Shtetet e Bashkuara të Amerikës (ShBA), nën dyshimet se është i përfshirë në krim të organizuar, shkruan Fol Drejt.
Më saktësisht Lazoviq është pyetur nëse pret ndonjë shkarkim të tij dhe nëse këto sanksione janë vendosur nga shkaku që Serbia nuk vendosi sanksione ndaj Rusisë?
Por Lazoviq ka thënë shkurt dhe qartë që “arsyeja kryesore për vendosjen e sanksioneve ndaj Aleksandar Vulin është lidhja e tij me krimin.”
Sipas tij, Qeveria e Serbisë do të bëjë gjithçka “për ta portretizuar Vulin si viktimë të trazirave gjeopolitike, por njeriu është i lidhur kryesisht me narkotikët dhe eksportet e paligjshme të armëve.”
Por në mënyrë që këto prova që kanë amerikanët të shqyrtohen pa ndërhyrje nga organet gjyqësore, sipas Lazoviq, opozita do të kërkojë formimin e një komisioni të posaçëm parlamentar që të pengojë regjimin të fshehë provat dhe të mbulojë këtë çështje të rëndësishme, ka thënë ai./FolDrejt/
