Policia e Kosovës ka njoftuar se ka arrestuar dy persona në Vushtrri si të dyshuar për posedim të substancave narkotike, shkruan Fol Drejt.
“Policia në Vushtrri ka arrestuar dy persona të dyshuar për veprën penale “posedim i paautorizuar i narkotikëve, substancave psikotrope dhe analoge”.”, shkruan në raportin policor.
Policia shtoi se arrestimi i dy të dyshuarave është realizuar në rrugën “Pandeli Sotiri ” ku gjatë kontrollit të detajuar tek dy të dyshuarit është gjetur substancë e dyshuar narkotike dhe një mulli për bluarjen e substancave.
“Në cilësi të të dyshuarve janë intervistuar G. A.,30 -vjeçar, dhe E. Q., 26 vjeçar, të dy shtetas të Republikës së Kosovës, ndaj të cilëve pas intervistimit është iniciuar rasti për veprën penale “posedim i paautorizuar i narkotikëve, substancave psikotrope dhe analoge”.”, thuhet tutje në njoftim.
Policia theksoi se me urdhër të prokurorit, dy të dyshuarit janë liruar në procedurë të rregullt. /FolDrejt/
