Policia e Kosovës ka arrestuar një person në Vushtrri si të dyshuar për posedim të substancave narkotike, shkruan Fol Drejt.
“Gjatë natës, policia në Vushtrri ka arrestuar një person të dyshuar për veprën penale “posedim i paautorizuar i narkotikëve, substancave psikotrope dhe analoge”.”, shkruan në raportin policor.
Policia shtoi se arrestimi i të dyshuarit është realizuar në rrugën “Jeton Terstena” në kohën kur zyrtarët policorë kanë ndaluar për kontroll një veturë me ç’rast gjatë kontrollit brenda në veturë është gjetur substancë e dyshuar narkotike.
“Në cilësi të të dyshuarit është arrestuar personi S. I.,20 -vjeçar, shtetas i Republikës së Kosovës, ndaj të cilit pas intervistimit është iniciuar rasti për veprën penale “posedim i paautorizuar i narkotikëve, substancave psikotrope dhe analoge”.”, thuhet në vazhdim të njoftimit.
Tutje, policia tha se me urdhër të prokurorit, i dyshuari është liruar në procedurë të rregullt. /FolDrejt/
