Timo Werner është lojtar i ri i Chelseat. Sulmuesi gjerman është shfaqur shumë i lumtur që do t’i bashkohet klubit anglez, kurse e ka falënderuar RB Leipzig dhe tifozët për vitet e kaluara së bashku.
“Jam i lumtur që po nënshkruaj për Chelsean, është një moment shumë krenar për mua që po bashkohem me këtë klub të shkëlqyeshëm. Sigurisht që dua të falënderoj RB Leipzig, klubin dhe tifozët, për katër vjet fantastike. Do të jenë përgjithmonë në zemrën time”, ka thënë Werner.
“Mezi po pres sezonin e ardhshëm me shokët e mi të ri të ekipit, menaxherin tim të ri dhe natyrisht tifozët e Chelseat. Së bashku kemi një të ardhme shumë të suksesshme përpara nesh”, ka deklaruar Werner.
