Trajneri i Barcelonës, Xavi Hernandez, ka thënë se klubi katalanas do të hyjë me shumë besim në ndeshjen kundër Realit në kuadër të xhiros së 26-të të La Ligës, raportojnë mediat spanjolle.
Barcelona mbrëmë ka mposhtur Athletic Bilbaon në shtëpi me rezultat 1:0. Klubi katalanas mbajti një avantazh prej nëntë pikësh në renditjen e La Ligas ndaj Realit.
“Kemi arritur një fitore të rëndësishme, një nga më të rëndësishmet e sezonit. Mbajtëm një avantazh prej nëntë pikësh ndaj Realit. Ne i afrohemi El Clasico-s së radhës plot besim. E merituam të fitonim, patëm 2-3 shanse të qarta. Por ne nuk arritëm ta mbyllnim ndeshjen. Është e rëndësishme që të veprojmë me qetësi në mbrojtje, por duhet të bëjmë të njëjtën gjë kur sulmojmë”, tha Xavi, transmeton Fol Drejt.
