Kryeministri maqedonas Zoran Zaev ka kryer një intervistë për prestigjiozen britanike Financial Times ku ka theksuar se është një “ndër i madh” anëtarësimi i vendit të tij në NATO dhe ka folur për frikën që ka ekzistuar te ai dhe kolegu grek Aleksis Cipras përpara nënshkrimit të Marrëveshjes së Prespës, informon ekzkluzivisht në shqip foldrejt.com.
I pyetur nga gazeta për kritikat nga disa mbështetës të tij, se ka bërë shumë lëshime në Marrëveshjen e Prespës, Zaev tha se “të dy, unë dhe Cipras kemi pasur frikë nga marrëveshja se do shpiente në fundin e karrierës së tyre politike.”
Ai specifikoi gjithashtu, se mbështetja tashmë është rritur te popullata dhe se qytetarët ndjekin udhëheqësit që kryejnë “vendime të vështira”.
“Gjatë nënshkrimit të marrëveshjes, mbështetje për qëndrimin e tij shtetëror kishte 17 përqind, kurse tani kjo rritje është ngritur për 60 përqind,” tha më tej Zaev, përcjell foldrejt.com.
Në fund Zaev ka folur edhe për Rusinë, ku edhepse kjo e fundit ka qenë kundër zgjerimit të NATO-s mbi Ballkanin, ai shtoi se “aktualisht shikon përpara për bashkëpunim më të madh me Moskën.”/foldrejt.com
