Sekretari i Shtetit i ShBA Antony Blinken njoftoi të martën se zëdhënësi i Departamentit të Shtetit Ned Price do të largohet këtë muaj, shkruan Anadolu Agency, përcjell Fol Drejt.
“Kuptimi i vendosur i Ned-it për politikat në bazë të mesazheve tona e bëri atë shumë më efektiv në rolin e tij. Në nivel personal, unë kam përfituar vazhdimisht nga këshillat e tij, ashtu si edhe shumë anëtarë të Departamentit. Për fat të mirë, unë do të jem në gjendje të vazhdoj ta bëj këtë, pasi Ned do të vazhdojë të shërbejë, duke punuar drejtpërdrejt për mua,” tha Blinken në një deklaratë me shkrim.
“Përgjatë më shumë se 200 konferencave që ka mbajtur që atëherë, ai i ka trajtuar me respekt gazetarët – si dhe kolegët dhe të gjithë të tjerët me të cilët ndërvepron”, shtoi ai.
Në deklaratë nuk përmendet se kush do të zëvendësojë Price, i cili ka shërbyer si zëdhënës i Departamentit të Shtetit që nga 20 janari 2021. /FolDrejt/
