Mbështetja u njoftua vetëm një ditë përpara samitit të NATO-s në Madrid, ku pritet të marrë pjesë kryeministrja e Zelandës së Re, Jacinda Ardern
Zelanda e Re njoftoi sot 4.5 milionë dollarë zelandezë (2.8 milionë dollarë amerikanë) si mbështetje ushtarake shtesë jovdekjeprurëse për Ukrainën, shkruan AA, transmeton Fol Drejt.
Mbështetja u njoftua vetëm një ditë përpara samitit të NATO-s në Madrid, ku pritet të marrë pjesë kryeministrja e Zelandës së Re, Jacinda Ardern.
“Ne po kontribuojmë me 4.5 milionë dollarë të tjerë nëpërmjet Fondit të Mirëbesimit të NATO-s për furnizime ushtarake prioritare jovdekjeprurëse. Kjo përfshin artikuj si kutitë e ndihmës së parë ushtarake, karburantet, pajisjet e komunikimit dhe racionet. Kjo është mbi 4.24 milionë dollarë për fondin e NATO-s të shpallur në mars”, tha Ardern në një deklaratë.
Ajo zgjati dislokimin e oficerëve të inteligjencës, logjistikës dhe ndërlidhjes të ushtrisë së vendit në Mbretërinë e Bashkuar, Gjermani dhe Belgjikë deri në fund të nëntorit të këtij viti.
Ardern tha se vendi i saj mbështet përpjekjet ndërkombëtare për të siguruar llogaridhënie ligjore, përfshirë krimet e luftës dhe krimet kundër njerëzimit.
“Sulmet e vazhdueshme të Rusisë ndaj Ukrainës janë sulm i hapur ndaj jetëve të pafajshëm dhe sovranitetit të një vendi tjetër. Përgjigjja jonë nuk ka përfshirë vetëm dënimin e veprimeve të Rusisë, por mbështetjen praktike për Ukrainën”, shtoi Ardern.
Deri më tani, Zelanda e Re ka dhënë 33 milionë dollarë ndihmë për Ukrainën dhe ka vendosur sanksione tregtare dhe ekonomike kundër zyrtarëve rusë./FolDrejt/
