Deklarata e Asamblesë Parlamentare të NATO-s për njohjen e krimeve të Federatës Ruse kundër Ukrainës si gjenocid, dhe regjimit terrorist në Federatën Ruse – si rusizëm, është një bazë korrekte për të vepruar edhe organizata të tjera ndërkombëtare, deklaroi presidenti i Ukrainës, Volodymyr Zelensky, në një video fjalim të hënën, transmeton Ukrinform, përcjell Fol Drejt.
“Sot ka një deklaratë të rëndësishme nga Asambleja Parlamentare e NATO-s”, vuri në dukje kreu i shtetit.
Zelensky vuri në dukje se “gjërat quhen ashtu siç janë: një njohje e qartë e krimeve të Rusisë kundër vendit tonë si gjenocid, një dënim i qartë i ideologjisë rusiste”.
“Kjo është baza e duhur edhe për organizatat e tjera ndërkombëtare”, shtoi Presidenti Zelensky.
Siç u raportua më herët, Asambleja Parlamentare e NATO-s i njohu krimet e Federatës Ruse kundër Ukrainës si gjenocid, dhe regjimin terrorist në Federatën Ruse – si rusizëm. /FolDrejt/
