Vendimi u mor të premten me 101 vota pro, 7 kundër dhe 19 abstenime.
193 anëtarët e Asamblesë së Përgjithshme të Kombeve të Bashkuara kanë lejuar presidentin e Ukrainës, Volodymyr Zelensky , t’i drejtohet asamblesë së përgjithshme vjetore javën e ardhshme përmes një video të regjistruar, shkruan protothema, transmeton Fol Drejt.
Vendimi u mor të premten me 101 vota pro, 7 kundër dhe 19 abstenime .
Në vitin 2020 dhe 2021, për shkak të pandemisë, Asambleja e Përgjithshme vjetore, në të cilën liderët botërorë vijnë me radhë në podium (në mesin e tyre Zelensky), u mbajt pjesërisht online, me shumë mesazhe video.
Por këtë vit Asambleja e Përgjithshme kthehet në formën e saj normale, por vetëm ata që do të marrin pjesë personalisht do të lejohen të flasin. Nëse lideri i një vendi nuk udhëton në Nju Jork, siç do të ndodhë me presidentët e Rusisë apo Kinës, fjalën do ta marrë përfaqësuesi i tij, por pasi të kenë folur të gjithë krerët e tjerë të shteteve dhe qeverive.
Projektvendimi thoshte se disa liderë “nuk mund të marrin pjesë personalisht (…) për arsye jashtë kontrollit të tyre, të lidhura me ndërhyrjen e një vendi të huaj, një sulm ose konflikte ushtarake”. Prandaj propozohet që Ukraina të paraqesë “një fjalim të regjistruar paraprakisht nga presidenti i saj”, pa krijuar një precedent për Asambletë e Përgjithshme të mëvonshme.
Bazuar në orarin e disponueshëm aktualisht, Ukraina është planifikuar të marrë fjalën në Asamblenë e Përgjithshme në mbrëmjen e së mërkurës, 21 shtator .
Pas pushtimit të Rusisë në shkurt, presidenti ukrainas ka folur disa herë përmes video-lidhjes me Këshillin e Sigurimit të OKB-së. Herën e fundit, në gusht, ambasadori rus kundërshtoi, por pa rezultat, këtë fjalim në internet të Zelensky./FolDrejt/
