Presidenti Volodymyr Zelensky dorëzoi në Verkhovna Rada (Parlamentin e Ukrainës) një projekt-rezolutë për vendosjen e sanksioneve 50-vjeçare kundër Iranit, raporton Klix, përcjell Fol Drejt.
Sipas dokumentit, sanksionet kundër Republikës Islamike të Iranit zbatohen për një periudhë 50-vjeçare dhe përfshijnë një ndalim të plotë të operacioneve tregtare, pezullimin e tranzitit të burimeve, fluturimeve dhe transportit në Ukrainë dhe parandalimin e daljeve të kapitalit të qytetarëve iranianë.
Kabineti i Ministrave, Shërbimi i Sigurisë, Shërbimi Informativ i Jashtëm, Banka Kombëtare dhe organet e tjera kompetente shtetërore duhet të zbatojnë dhe monitorojnë sanksionet.
Dokumenti propozon gjithashtu ndalimin e çdo investimi në Iran dhe transferimin e teknologjisë dhe të drejtave të pronësisë intelektuale nga banorët e Ukrainës.
Përveç kësaj, propozohet të pezullohen mjetet elektronike të pagesës (përfshirë transfertat, shlyerjet dhe tërheqjet e parave të gatshme) të lëshuara nga banorët e Republikës Islamike të Iranit.
Bankës Kombëtare i ndalohet gjithashtu regjistrimi i një sistemi pagesash ndërkombëtare të operuar nga Irani.
Në mbledhjen e mbajtur të martën, më 25 prill, Kabineti i Ministrave vendosi të paraqesë propozime në Këshillin e Sigurisë Kombëtare dhe Mbrojtjes për vendosjen e sanksioneve sektoriale kundër Iranit. /FolDrejt/
