Presidenti ukrainas Volodymyr Zelensky tha se më shumë se gjysma e raketave dhe dronëve që Rusia gjuajti të martën u rrëzuan.
Në fjalimin e tij të përditshëm me video, Zelensky vuri në dukje se 20 nga 28 raketat që u hodhën të martën në mëngjes u rrëzuan, shkruan CNN.
Ai nderoi një ushtar, Dmytro Shumskyi, për rrëzimin e dy raketave ruse të hënën duke përdorur një raketë kundërajrore të mbajtur në shpatull.
“Nëse jo për sulmet e sotme, ne do të kishim rivendosur tashmë energjinë, furnizimin me ujë dhe komunikimet, të cilat terroristët i dëmtuan dje. Dhe sot Rusia do të arrijë vetëm një gjë tjetër: të vonojë pak restaurimin tonë,” tha Zelensky.
Presidenti ukrainas tha se furnizimi me energji elektrike dhe komunikimet janë rikthyer në shumicën e qyteteve dhe fshatrave të prekura.
“Në disa qytete dhe rrethe punimet janë ende në vazhdim”, tha ai, duke theksuar se ka pasur disa kufizime në furnizimin me energji elektrike në disa zona për të ruajtur stabilitetin e sistemit elektroenergjetik.
Zelensky tha se Ukraina do të takohet me partnerët e saj në Gjermani të mërkurën për të adresuar nevojat ushtarake të Ukrainës.
“Unë pres që partnerët tanë të bëjnë përparim në çështjen e mbrojtjes ajrore dhe raketore, marrëveshjet për furnizimin e ri të armëve dhe municioneve të tjera që na duhen”, tha ai./FolDrejt/