Presidenti ukrainas Volodymyr Zelensky mbajti një fjalim kombëtar mbrëmë vonë, ku ai e quajti Rusinë një “shtet terrorist” dhe tha se sulmi i saj në Mariupol nuk ishte i ndryshëm nga rrethimi i Leningradit.
“Lufta nuk ka të ndalur ende. Krimet e luftës të Rusisë vazhdojnë. Ekonomia ruse është ende në gjendje të mbajë makinën ushtarake. Kjo është arsyeja pse ne kemi nevojë për sanksione të reja kundër Rusisë. Bota më në fund duhet të njohë zyrtarisht se Rusia është bërë një shtet terrorist”, transmeton Fol Drejt.
Zelensky gjithashtu iu drejtua drejtpërdrejt rusëve, duke u kërkuar atyre të pyesin nëse rrethimi i Mariupolit është i ndryshëm nga rrethimi i Leningradit dhe duke u premtuar ushtarëve rusë se dorëzimi i armëve është një shans për të mbijetuar.
“Ka ende një mundësi. Ekziston një mundësi për çdo ushtar që nuk është vrarë, plagosur apo është kapur rob. Ushtria ruse po pëson humbje që nuk i ka parë as në Siri apo Çeçeni. Nëse lufta juaj, lufta kundër popullit ukrainas, do të vazhdojë, nënat do të humbasin më shumë fëmijë sesa në luftërat afgane dhe çeçene.”/FolDrejt/
