Presidenti i Ukrainës ka thënë se 17 rajone në të gjithë vendin po përballen me një “situatë të vështirë” lidhur me furnizimin me energji dhe mungesat e energjisë, raporton Sky News, transmeton Fol Drejt.
Në fjalimin e tij të natës, Volodymyr Zelenskyy tha se është “shumë e vështirë” në rajonet e Kievit, Odesa dhe Vinnytsia.
Sulmet e vazhdueshme të Rusisë ndaj sistemit energjetik të Ukrainës kanë lënë miliona banorë pa energji, duke ngritur shqetësime me afrimin e dimrit.
Kryeministri Denys Shmyhal tha më herët se sulmet ruse kanë gjymtuar gjysmën e sistemit energjetik të vendit.
Megjithatë, Zelenskyy siguroi ukrainasit se stafi po punon “gjatë gjithë ditës” për të rivendosur furnizimet me energji elektrike për të zvogëluar numrin e mbylljeve emergjente me të cilat po përballen shumë banorë.
Megjithatë, temperaturat po bien dhe Kievi tashmë ka parë borën e parë të dimrit./FolDrejt/
