Zelenskyy tha se ushtria ukrainase po çliron gradualisht nga ushtria ruse zonat e banuara në rajonin Kharkiv
Presidenti i Ukrainës, Volodymyr Zelenskyy tha se janë çliruar 1.015 vendbanime të cilat ishin marrë nën kontroll nga ushtria ruse që nga fillimi i luftës, shkruan AA, transmeton Fol Drejt.
Në një video-mesazh të publikuar, Zelenskyy vuri në dukje se në 24 orët e fundit është siguruar kontrolli në 6 vendbanime dhe se në këtë mënyrë ka arritur në 1.015 numri i vendbanimeve që janë rimarrë sërish nga forcat ruse që nga fillimi i luftës.
Presidenti ukrainas theksoi se në këto vendbanime ka filluar sërish furnizimi me energji elektrike, ujë, komunikim, transport dhe shërbimet sociale.
Zelenskyy tha se ushtria ukrainase po çliron gradualisht nga ushtria ruse zonat e banuara në rajonin Kharkiv. “Sigurisht që përkujtojmë çdo qytet të pushtuar Kherson, Melitopol, Berdyansk, Energodar, Mariupol dhe të gjitha qytetet e Donbasit. Çlirimi gradual i rajonit Kharkiv është dëshmi se nuk do t’i lëmë askënd armikut”, tha ai./FolDrejt/
