Jo të gjithë hebrenjtë i kanë mbështetur veprimet e qeverisë në Rripin e Gazës. Grupe aktivistësh kanë kundërshtuar fuqishëm qeverinë e Benjamin Netanyahu-ut, për nxitje të dhunës dhe përhapjen e konfliktin i cili ka rezultuar me një numër të madh viktimash, si kurrë më parë, shkruan Fol Drejt.
Së fundmi, bombardimi i spitalit baptist në Gaza ku humbën jetën qindra civilë, ka nxitur një valë protestash anekënd globit.
Në Egjipt, Jordani, Liban dhe vendet përreth Izraelit pati protesta masive. Edhe vendet perëndimore nuk i shpëtuan këtij reaksioni. Por nuk ishin vetëm arabët ata që bënë thirrje për ndalje të gjakderdhjes. Vargut të protestuesve u janë bashkuar edhe grupe hebreje.
Së fundi disa aktivistë hebrenj u arrestuan në seancën e Kongresit Amerikan, ndërsa bënin thirrje për armëpushim në Gaza.
Demonstruesit nga grupi kundër luftës, Zëri Hebre për Paqe u mblodhën kundër “shtypjes së vazhdueshme të Izraelit ndaj palestinezëve”.
Just as we demand an end to genocide in Gaza, we must put the same effort into dismantling the systems of Zionism, apartheid, and colonialism that brought us to this moment. pic.twitter.com/LADb6ASgmt
— Jewish Voice for Peace (@jvplive) October 18, 2023
Sipas raportimit të mediave ndërkombëtare, rreth 500 njerëz janë arrestuar gjatë një proteste në Kongresin e Shteteve të Bashkuara në Uashington, DC, të cilët bënin thirrje kundër “shtypjes së vazhdueshme të Izraelit ndaj palestinezëve”, sipas Zërit Çifut për Paqe, grupi që organizoi demonstratën.
Protestuesit, shumë të veshur me këmisha me fjalët “Jo në emrin tonë”, u rrethuan nga policia të mërkurën ndërsa ishin ulur në dyshemenë e hollit të ndërtesës së kongresit, duke shpalosur një pankartë të madhe që thoshte “armëpushim” me simbolikën e numrit të të vdekurve nga bombardimet e Izraelit mbi Rripin e rrethuar të Gazës.
Rreth 10,000 njerëz marshuan gjithashtu për kauzën në rrugët e kryeqytetit amerikan, tha Zëri Hebre për Paqe.
“Ne e mbyllëm Kongresin për të tërhequr vëmendjen e masës ndaj bashkëpunimit të SHBA-ve në shtypjen e vazhdueshme të Izraelit ndaj palestinezëve,” shkroi organizata progresive hebraike në X.
Policia amerikane tha se kishte pastruar ndërtesën nga protestuesit deri në mbrëmjen e së mërkurës dhe ende po përpunonte arrestimet./FolDrejt/
