Komuna e Prishtinës njoftoi se ka zgjatur afatin për aplikim për çertifikimin dhe instalimin e pajisjeve për matjen e zhurmës në sektorin e gastronomisë.
Ky afat u zgjat edhe për 14 ditë të tjera, përcjell Fol Drejt.
“THIRRJA E FUNDIT PËR SEKTORIN E GASTRONOMISË!
Me rregulloren aktuale në fuqi për orarin e punës dhe matjen e zhurmës, subjektet afariste në sektorin e gastronomisë në #Kryeqytet OBLIGOHEN të aplikojnë për çertifikimin dhe instalimin e pajisjeve për matjen e zhurmës.
Ndonëse afati për aplikim ka skaduar Kryetari i #kryeqytetit @Perparim Rama ka zgjatur afatin e aplikimit edhe për 14 ditë.
Andaj i bëjmë thirrje të gjitha subjekteve afariste të gastronomisë të aplikojnë brenda këtij afati shtesë.
Pra, periudha për aplikim do të jetë e hapur deri më 25 maj 2023!
Për të aplikuar online klikoni në linkun https://apliko.ndotja-akustike.com/
Ndërsa, aplikimi fizik bëhettek sporteli nr.1, në ndërtesën e vjetër të Komunës.
VËREJTJE:
Në rast se, subjektet e gastronomisë nuk aplikojnë deri në datat e caktuara, bazuar në rregulloren në fuqi, neni 21, pika 3.2, bizneset të cilat nuk kanë aplikuar dhe rrjedhimisht nuk janë të pajisur me matës të zhurmës do të dënohen me gjobat e përcaktuara sipas rregullores në fuqi nga 500 – 5.000€ si dhe me mbyllje të përkohshme të lokalit.
Më shumë informata rreth thirrjes mund t’i gjeni në linkun
https://prishtinaonline.com/…/thirrja-e-fundit-pr… “,
thuhet në njoftimin e tyre në Facebook./FolDrejt/
