Edhe pse i ka lënë në hije sulmuesit në Premier League që nga ardhja e tij në Manchester City, Erling Haaland ka zbuluar emrin e një modeli nga kjo ligë që është pothuajse e pamundur të merret me mend, shkruan Klix, përcjell Fol Drejt.
Ndonëse është ish-golashënuesi më i mirë i Premierligës dhe njeriu që i solli Leicesterit titullin e kampionit të Anglisë, Jamie Vardy është një model për pak njerëz në botën e futbollit. Por ky është rasti me Haaland.
Norvegjezi shikon vazhdimisht futboll, më parë ka folur se sa shumë i admiron Cristiano Ronaldon dhe Zlatan Ibrahimovicin, golat akrobatikë të të cilëve e magjepsën dhe në një prononcim për Sky Sports, ai përmendi Vardy-n si shembull.
Haaland thotë se i pëlqen të shikojë futboll dhe të vëzhgojë se çfarë po bëjnë sulmuesit.
“Unë nuk mësoj kështu, por shikoj shumë se çfarë bëjnë futbollistët. Merrni për shembull, vrapimin pas qendërmbrojtësit kur ‘dhjetëshi’ jonë ka topin. Në Jamie Vardy, ju mund të keni më të mirin në botë. Kjo është arsyeja pse e kam shikuar shumë Vardyn”, tha Haaland dhe më pas iu referua dashurisë së tij për futbollin:
“Unë jam i tillë, gjithmonë kam parë shumë futboll. Unë ende punoj shumë. Kur luajmë të shtunën, shkoj në shtëpi dhe të dielën i shikoj ndeshjet gjatë gjithë ditës. Gjithmonë e kam dashur futbollin, shumë”, shtoi norvegjezi.
Haaland mund të luajë kundër Vardyt të shtunën kur Manchester City dhe Leicester takohen në Etihad. /FolDrejt/
