Ministri i Mbrojtjes, Armend Mehaj, njoftoi se gjatë dy javëve të fundit është zhvilluar programi trajnues për instruktor të FSK-së në kategorinë C nga ekspertët gjerman, shkruan Fol Drejt.
“Gjatë dy javëve instruktorët e KDS-së, nën trajnimin dhe mentorimin e oficerëve gjerman zhvilluan trajnimin në mirëmbajtjen, vozitjen dhe licencimin për kategorinë C të instruktorëve të FSK-së.”, shkroi Mehaj në Facebook.
Mehaj theksoi se bashkëpunimi i FSK-së me Ushtrinë Gjermane po vazhdon në ndërtimin e kapaciteteve logjistike dhe edukimit profesional për autoshkollën e FSK-së, në mbështetje me pajisje dhe ekspertizë.
“Këshilltari Gjerman Rreshter Major Stefan Stieber në kuadër të FSK-së, është më meritori për koordinimin dhe mbështetjen profesionale dhe ndërtimin e aftësive ushtarake në drejtimin e automjeteve në të gjitha kategoritë, përfshirë edhe kategoritë e automjeteve të blinduara.”, tha tutje Mehaj. /FolDrejt/