Zinedine Zidane nuk është larg kthimit në Real Madrid, ka bërë të ditur sot Footmercato franceze.
Francezi u largua nga pankina e Realit dy vjet më parë si një nga trajnerët më të suksesshëm në historinë e klubit, dhe këtë verë ai mund të marrë sërish drejtimin e Realit në Santiago Bernabeu.
Sipas mediave franceze, Carlo Ancelotti pothuajse me siguri do të largohet nga Madridi në fund të sezonit për të marrë përsipër kombëtaren braziliane, ndaj Florentino Perez tashmë ka kontaktuar Zidanin dhe ka nisur negociatat për rikthimin e tij në klubin më të madh evropian, të paktën kur vjen fjala tek trofetë.
Zidane e tregoi veten fitues te Reali. Në dy mandate, ai fitoi 11 trofe, duke përfshirë tre Liga të Kampionëve, dy midis 2016 dhe 2018. Tani ai mund të ketë një shans të ri për të provuar dhe përmirësuar CV-në e tij, transmeton Fol Drejt.
