Një zjarr i madh në veri të Kanadasë po i afrohet qytetit Yellowknife, kryeqyteti i Territoreve Veriperëndimore të Kanadasë dhe është urdhëruar evakuimi i 20,000 banorëve të qytetit, tha qeveria territorial, raporton Al Jazeera.
Kanadaja po përjeton sezonin e saj më të keq të zjarreve me më shumë se 1000 zjarre aktive në të gjithë vendin, duke përfshirë 230 në Territoret Veriperëndimore.
Kryetarja e bashkisë së Yellowknife, Rebecca Alty tha të mërkurën se autoritetet besojnë se përparimi i zjarrit do të lejojë kohë që njerëzit të evakuohen të mërkurën dhe të enjten, sipas medias lokale Cabin Radio.
“Qyteti nuk është në rrezik të menjëhershëm dhe ka një dritare të sigurt për banorët që të largohen me rrugë ose ajrore,” tha Alty, sipas Cabin Radio.
Rylund Johnson, një anëtar i Asamblesë Legjislative të Territoreve Veriperëndimore, tha në mediat sociale se njerëzit tashmë kishin filluar të evakuonin qytetin vullnetarisht dhe tani kishin urdhër ta bënin këtë deri në mesditë të së Premtes.
“Fluturimet do të fillojnë të enjten pasdite. Nëse keni transport tokësor, kontrolloni nëse miqtë dhe familja juaj kanë një udhëtim, “tha ai në platformën e mediave sociale të njohur më parë si Twitter.
